Fung Pui Yi的部落格

Lee半年不停見工揾工又要識應新環，真係有d攰，加上又過左試用期，同埋近來都無乜去旅行，所以男朋友仔就plan左去長洲鬆一鬆休閒一下~

我地無突別plan行程，都係周圍行下食下野，主要係休休閒閒，我地係IFC食完Triple O’s我地就坐船入長洲la！入到去拎左間房，我地就周圍行下食下野la，梗係唔少得食出名o既紅豆餅la！淡淡o既紅豆甜好味道~

由於我比天文台呃左所以行到出汗，最後忍唔住用$20買左件短袖衫著！舒服晒！晚黑六點零鐘我地就去左街市買海鮮食，wah~ 自己買海鮮再拎去菜館煮真係好味好多！男朋友揸主意買左好多海鮮，分別有椒鹽瀨尿蝦、大蝦芝士焗e麵、粉絲蒸象拔蚌仔、炒聖子 lee四道菜！最好味係粉絲蒸象拔蚌仔，估唔到蒸象拔蚌仔好味過蒸帶子，因為象拔蚌較有口感好爽口，所以好好食！大蝦芝士焗e麵o既大蝦好大隻好多肉好好味，其他兩道菜都好好味，埋單計埋料都只係食左三百幾蚊，好抵食ar！

食飽飽，行左一陣，我地就返上去渡假屋睇下電視la，睇到十一點零鐘我地又落返黎食宵夜 – 炸量同埋皮蛋瘦肉粥，但係炸量買晒ar，所以只係同男朋友食左碗粥咋……攪到我有少少失望tim……