2009的平安夜－Fung Pui Yi的部落格

2009年12月24日 Thu

今日係平安夜亦到係我哥哥牛一o既大日子

happy birthday~

雖然今日唔係紅日人人都要返工，但係個個都無心工作............個個都holiday mood~ lunch time 我地dept又攪左個x'mas party，除左大食會重有人人有份抽獎環節！大獎係melody裝污糟衫o既洗衣袋，二獎係sony貓坐毯，雖然我好好彩抽中左二獎，但係對我黎講就唔多arm用la！首先我又唔會坐地下......而且我間房都無咁大空間比我放lee 張毯.........點知我dept有位男同事對lee張野好有興趣喎，最後交換左支蟹樹hand cream！我好鐘意lee 支hand cream 實際又有用！再問下果男同事張毯有咩用la，佢話將毯可以鋪係地下度比佢隻狗"旺財"訓........都幾攪笑喎！狗狗"旺財"訓係sony貓上面，哈哈！希望"旺財"都鐘意lee張毯啦！

今日我地可以提早一個鐘頭收工，但係因為我要等埋男朋友收工，所以我都無走度繼續留係公司做野！好彩我阿姐同購物狂同事都約左人無咁早走所以重有人陪下我平安夜流流開ot！Lucky

但係礙於TST有大型倒數活動，所以當我收工約六點鐘，周圍都勁勁勁多人.......行海防道直去到TST地鐵站要用多一倍時間！

我又最唔鐘意多人周圍迫，所以男朋友選擇左去旺角火車站意粉屋食果聖誕大餐！我地o既選擇係無錯ga，D年青人去晒TST、TW、OC倒數，所以旺角新世紀廣場真係無乜人！真係好la，我地可以輕輕鬆鬆咁行下街！我地行行下重去左geox買左對鞋tim~哈

shopping 完之後，我地就去到意粉屋食聖誕大餐，由於係聖誕o既關係la，佢d sets都貴過平時，不過都好多人食ar！我地order左個龍蝦餐，有2個餐湯、有個龍蝦沙律同pizza仔咁la，果餐都幾好食而且好飽tim！

食飽飽係時候交換禮物la，因於身為女朋友o既我無乜心思而且又懶唔鐘意唸野，所以較早前行街果陣已經同男朋友買左條levis牛仔褲同衛衣！哈哈~ 至於男朋友就故弄玄虛，佢竟然用花紙包左個吉盒比我...............................哎~ 當我想打開份禮物先同我講，份禮物係佢果袋度！我果時真係唔知好嬲定好笑！打開份禮物原來係銀包黎o既！哈哈