2007年3月12日 Mon
心血來潮想整下keep左好耐o既悶蛋直髮，心思思又想電下髮，但係經過上次TB事件之後，對電頭髮失去信心，不過又想轉下果look喎，哎！我真係矛盾ar！最後我都係決定去左揾阿肥婆電頭髮！我一收工就去左揾肥婆，諗住快快手手攪掂果頭la，去到肥婆果間舖頭都只係六點半鐘者，但係黑仔o既我果頭電到十一點幾先電完，因為我電緊髮果陣就不停有人入黎剪髮，佢又親力親為喎，果晚佢好旺ar，同我整緊頭都可以幫五果人剪頭髮！哎~我由六點半新聞睇到夜間新聞先電完走得！咩咩向世界出發ar、同事三分親ar、亂世佳人ar等等都睇曬，好耐都未試過可以坐定定睇曬咁多節目，其間重睇左好多雜誌tim！由於我無帶電話，洪仔重走黎揾我tim！哈哈！洪仔話我果頭古靈精怪，又話我重乜咁蠢見唔對路就唔好整頭喎！我都唔想家，都洗濕左果頭la，無得走ma！不過我知洪仔係關心我者！
全站熱搜
留言列表
